Израиль Яковлевич Брук
Институт директоры болып Израиль Яковлевич Брук тағайындалды, Иркутск кен-металлургия институтының бұрынғы директоры, Ленинград кен институтының түлегі. 1941 жылдың тамызы мен қарашасында Алматыға Мәскеу түсті металдар мен алтын институтының профессорлары мен оқытушыларын, сондай-ақ зертханалық құрал-жабдықтарын әкелген екі эшалон келіп жетті. Екі жоғары техникалық оқу орнының бірігуі жүзеге асты. Олардың ҚазТКМИ-ге келуі сабақ беру сапасының жақсаруына ғана емес, Қазақстан кәсіпорындарындағы бірқатар өндірістік мәселелерді шешуге көмектесті. Соғыс жылдарында төрт рет оқу бітірту кезінде институт өнеркәсіпке сегіз мамандық бойынша барлығы 512 инженер берді. 1942 жылы институт тұңғыш инженер-маркшейдерлер дайындап шығарды. Оның басқаруымен институт ұжымы «Бәрі де майдан үшін, бәрі де жеңіс үшін!» деген ұранмен еңбек етті. Ұжым жалпы көлемі 1 млн сом шаруашылық келісіммен, 26 тақырып бойынша жұмыс атқарды. Ұлы Отан соғысы жылдары институт жауды жеңуге де өз үлесін қосты. Институт кафедраларында 65 ірі ғылыми-зерттеу және 6 ізденушілік топографиялық және маркшейдерлік жұмыс орындалып, олардың басым көпшілігі өндірісте, сондай-ақ жаңа заводтар, цехтар, шахталар жобасын жасауда қолданылды. ҚазТКМИ-дің фашистік Германияны жеңуге қосқан жалпы үлесін Үкімет лайықты бағалады. Қазақ КСР Жоғары Кеңесінің 1945 жылғы 15 ақпандағы Қаулысымен техника ғылымдарының докторлары, профессорлар Х.К.Аветисян, А.В.Бричкин, гелогия-минералогия ғылымдарының докторы, профессор Е.Д.Шлыгин «ҚазКСР ғылым мен техникасына еңбек сіңірген қайраткер» деген арнаулы құрметті атақ берілді.