Андрей Иванович Коктов
Институт директоры болып Андрей Иванович Коктов тағайындалды, Мәскеу кен институтының түлегі. Осы кезде институттан «Труды Казахстанского Горно-металлургического института» басылымының екі томы шықты. Соғыс басталғанда ол 23 оқытушы, 3 қызметкер, 200 студентті бастап, соғысқа аттанды. А.И.Коктов пен партия ұйымының хатшысы Мұса Құрманғалиев соғыста құрбан болды. Институттың студенттері мен түлектері арасында 6 адам соғыста көрсеткен қаһармандығы мен ерлігі үшін Кеңес Одағының Батыры деген жоғары атаққа ие болды. Олар: Мұса Баймұханұлы Баймұханов, Максим Герасимович Губанов, Николай Данилович Маркелов, Николай Иванович Ященко, Алексей Георгевич Торопкин, Владимир Алексеевич Засядко. Майдан даласында мерт болғандар институт ұжымының есінде мәңгі сақталады.