Сәтбаев Университетінің Ректорлары
Сәтбаев Университетінің Ректоры дәстүр бойынша университетте ерекше орын алады, өйткені ол мыңдаған ғалымдар мен студенттерден құралған ұжымға дұрыс бағыт-бағдар беріп, бүкіл ел үшін маңызы зор инновациялық болашақты жүзеге асырушы тұлға болып табылады.
Университеттің құрылуына Қазақстан ғылымының негізін қалаушылардың бірі, көрнекті ғалым және қоғам қайраткері, академик Қаныш Сәтбаев зор еңбек сіңірді, оқу орны атақты ғалымның арқасында ашылды десе де болады.
Университеттің алғашқы ректоры – Орал-Қазақстан индустриалды академиясының түлегі Әшір Жанәліұлы Бүркітбаев болды, ол жоқтан бар жасап, тарихтағы алғашқы инженерлік-техникалық институттың кірпішін нөлден бастап қалады. Ғалымның ізбасарлары оның бастаған бастамасын одан әрі жалғастырып, елімізде техникалық даму орталығын құрды. Олардың өмірбаянымен таныса отырып, сіздер университеттің тарихына да шолу жасайсыздар.